Haradinaj: Nuk e dimë a jemi dy vota minus apo më shumë (VIDEO)

11:30 | 28 Shkurt 2018
Arbresh.info

Kryeministri i vendit, Ramush Haradinaj ka thënë se nuk dihet ende nëse po bëhet fjalë për mungesë të dy apo më shumë votave për ta miratuar Demarkacionin.

Haradinaj, në një konferencë për media pasi Kuvendi ka shkuar në pauzë ka thënë se koalicioni qeverisës ka poashtu deputetë që janë në Podgoricë, shkruan Arbresh.info,

“Nuk e dimë a janë dy a më shumë, por jemi në seancë, seanca do ta vërtetoj, jemi në punë e sipër që ta kemi numrin e votave. Raporti i Komisionit Shtetëror është një draft i ligjit, kemi deputetë tanë të koalicionit që janë në Podgoricë”, ka thënë Haradinaj.

Sa i përket Listës Serbe, Haradinaj ka thënë se ata janë në Prishtinë dhe se në moment të caktuar do të vendoset se si të veprohet./Arbresh.info